SOFIA LOREN

MENDOJ SE ESHTE E RRUGES TE SHKRUAJME EDHE PER FIGURA TE SHQUARA TE KINEMASE SIC ESHTE EDHE SOFIA LOREN...NJIHET SI NJE NDER AKTORET ME TE BUKURE,KRYESUESE EDHE NE TOPLISTEN E 100 GRAVE ME TE BUKURA TE SHEKULLIT,KA PUSHTUAR GJTHM SKENEN ME IMAZHIN E SAJ SUPER FANTASTIK...A JU PELQEN SOFIA LOREN??/PO FILMAT E SAJ???

Sofia Loren lindi me emrin Sofia Villani Scicolone më 20 shtator 1934, në një lagje të varfër të Romës. Babai i saj, Riçardo Scicolone, nuk pranoi të martohej me nënën e saj, Romilda Villani, por lejoi Sofinë dhe motrën e saj më të re, Maria, që të merrnin mbiemrin e tij. Kur ishte vetëm katër vjeçe, nëna e saj u vendos në Napoli, pak para se të shpërthente lufta.
Nga mosha pesë dhe dhjetë, Sofia vuajti vështirësitë e luftës, teksa Napoli u bë një prej objektivave më të goditur italianë. Nëna e saj, Romilda, u përpoq të mbante familjen duke luajtur në piano në kafenetë e qytetit, por shpeshherë ato nuk kishin ushqim nga mungesa e parave dhe lufta. Kur ishte në shkollë, Sofia shpeshherë ishte pre e ngacmimeve, për arsye se ishte fëmijë i paligjshëm dhe ngaqë ishte shumë e dobët, çka bëri që ajo të merrte nofkën "kunjë dhëmbësh". Ajo arratisej në botën e kinemasë duke kaluar pjesën më të madhe të kohës, duke parë filma dhe duke ndier se ishte e përcaktuar që të bëhej aktore. Në kohën kur mbushi 14 vjeç, ajo ishte kthyer në një zonjushë mahnitëse. Figura e saj e hollë ishte transformuar në format që do bëheshin të famshme dhe do ta nxirrnin nga lagjja e varfër ku jetonte. Nëna e saj e regjistroi atë në konkursin e bukurisë "Mbretëresha e detit", ku ajo u zgjodh në 12 vajzat më të bukura nga 200 pjesëmarrëset.