As Roma

Titulli: As Roma Tue Sep 23, 2008 10:25 am

kjo faqe vetem per ROMANET e forumit

www.asroma.it
www.francescototti.com

Titulli: Re: As Roma Tue Sep 23, 2008 10:26 am

Sensi: Eshtë rikthyer Roma e vërtetë!
Rosela Sensi ka rigjetur buzëqeshjen. Presidentja e Romës është shprehur shumë e lumtur për fitoren e parë të verdhekuqve në kampionat. “Duhet të kemi shumë durim në këto momente. Dua të falenderoj lojtarët, trajnerin dhe të gjithë tifozët për mbështetjen që na kanë dhënë. Përballë Rexhinës kemi arritur një fitore shumë të rëndësishme dhe emocionuese në të njëjtën kohë. Ishte fitorja jonë e parë dhe shpresojmë të vazhdojmë kështu edhe në takimet e ardhshme. Kam menduar edhe për babain. Ishte një emocion shumë i bukur dhe që nuk mund të përshkruhet me fjalë”.

Titulli: Re: As Roma Tue Sep 23, 2008 10:27 am

Tifozi romanist “ther” ultrasin e Rexhinës

Policia ka arrestuar një tifoz ultras romanist, i cili përpara ndeshjes Roma?Rexhina, kishte goditur me thikë një tifoz mik. Viktima po qëndronte afër stadiumit “Olimpico” së bashku me të fejuarën dhe tre miq të tij, kur tifozi i Romës e ka goditur në këmbë. Agresori, i cili është kapur brenda pak orësh, ishte një person 37 vjeç, i cili kishte precedent të veçantë dhe ishte i ndaluar të hynte në stadium prej 3 vjetësh. Ndërsa tani rrezikon të mos “shoh” stadium me sy për 5 vite të tjera. Kjo nuk është hera e parë që tifozët e Romës arrijnë të krijojnë trazira të tilla. Incidente pak a shumë të ngjashme kanë ndodhur edhe në ndeshjet e Kupave të Europës.

Toti, “mbreti” i korrektësisë

Përpara ndeshjes Roma?Rexhina, kapiteni Françesko Toti ka marrë trofeun “Topi i Argjendtë”, si lojtari më korrekt i sezonit të kaluar. Një çmim simbolik që në sezonet e mëparshme kanë arritur ta marrin lojtarë si Kaka, Toni, Zola, Shevçenko, Negro, Tomazi, Zaneti dhe Ferrara.

Titulli: Re: As Roma Tue Sep 23, 2008 10:28 am

Spaleti: Të largohem? Po blej shtëpi...!
“Roli i trajnerit është delikat, por në këtë moment nuk mund të siguroj një objektiv të caktuar. Toti? S’është ende në formë”

Siguri zero. Mbi objektivat e Romës dhe të së ardhmes, Luçiano Spaleti nuk mund të sigurojë asgjë. Për sa i përket triumfeve të mundshëm në këtë sezon, është betuar se do t’i përgjigjej kështu edhe presidentes së Romës, Rosela Sensit: “Nuk mund të premtoj asnjë objektiv”, tha trajneri verdhekuq. Më pas, mbi të ardhmen: “Roli i trajnerit është tepër delikat dhe shumë i vështirë. Nëse do të jem këtu edhe vitin e ardhshëm, kjo varet nga situata, por jam duke blerë shtëpi në kryeqytet dhe kjo do të thotë se ndihem mirë”. Në fund, Spaleti foli edhe për situatën e kapitenit Toti, që vazhdon të shqetësojë: “Ai nuk ndihet mirë, edhe pse e kam grumbulluar për sfidën ndaj Rexhinës. E kam të qartë se mund të luajë që nga minuta e parë, por nuk dua të rrezikoj aspak.